Espéranto-France

Mediteranea Esperanto-Semajno 2025

2025-01-13T13:22:06Z

Espéranto-Provence organizos la Mediteranean Esperanto-Semajnon 2025, unu semajnon da Esperantaj kursoj en agrabla printempa etoso, apud la Mediteranea marbordo.

Restas kelkaj liberaj lokoj. Aliĝu !

Kial partopreni en la Mediteranea Esperanto-Semajno ?

Ĉar la MES, estas :

Printempo anticipe !
Bongusta manĝaĵo ;
3-nivelaj kursoj ;
Komforta staĝejo ;
Agrabla vetero ;
Alloga regiono ;
Elstaraj instruistoj (vidu https://provenco.esperanto-france.org/2025-03-15-22-Elstaraj-instruistoj) ;
Ekskurso al Grimaud (vidu https://provenco.esperanto-france.org/2025-03-19-Ekscursion-a-Grimaud) ;
Varma Esperanto-etoso ;
Amikaj partoprenantoj (vidu la liston de aliĝintoj en https://provenco.esperanto-france.org/2025-03-15-22-Mediteranea-297)
Preparo por la Tria grada ekzameno : Atesto pri Supera Lernado kaj Atesto pri Kapableco (vidu Preparado por la Kapableco (FEI) en la retejo de Espéranto-Provence] ;

Loko kaj datoj

Staĝejo : La staĝo okazos en la hotelo Miléade Les Issambres - Val d'Esquières, majesta kadro, en iama palaco el la 1930-aj jaroj, en 3-hektara parko, kun aliro al la plaĝo kaj proksime de Saint-Tropez, Haveno Grimaud, Cannes kaj Nico.

Akcepto : Sabaton la 15-an de marto je la 16:00
Fermo : Sabaton la 22-an de marto je la 11:00 (fina tagmanĝo ne inkluzivita).

Kursoj

Kurs-horaroj : 9:00 - 12:00 kaj 18:00 - 19:00

Partopreno en kursoj. Elektu vian deziratan kurson :

Kurso 1 - komencparolantoj kaj komencintoj - Rodica Todor (Rumanio)
Kurso 2 - paroliga-kleriga kurso pri Esperanto-Literaturo - Pawel Fischer-Kotowski (Pollando)
Kurso 3 - paroliga-kleriga kurso pri ekologio - Manfred Westermayer (Germanio)

Aliaj programeroj

Sugestoj por la liberaj posttagmezoj : bankuracado en marakva banejo (800 m for (ekde 95 € duontage), vizitado de Fréjus, Saint-Raphaël, Nico, Menton, Maures-monteto (mimozo kaj piedekskursado), Saint-Tropez, Sainte-Maxime, Bormes-les-Mimosas, bazaro en Ventimiglia (Italio, nur vendrede), ktp.

Ne forgesu viajn marŝŝuojn por piedekskursi sur la proksima montetaro, kaj eventuale bankostumon (maro ĉ. 13°C).

Distraj vesperoj : Esperantaj prelegoj, kantoj, skeĉoj... plus la dumtaga distra programo de la hotelo mem. Kunportu viajn amuzajn kanzonojn, anekdotojn, ludojn, muzikilojn, ktp.

Aliĝo

Vi jam povas aliĝi rete aaŭ plenumante kaj sendante lapaperan aliĝilon : https://provenco.esperanto-france.org/ IMG/pdf/alig_ilo_mes_2025_post_januaro.pdf

Eŭropa Esperanto-kongreso 2024 en Strasburgo

2023-05-16T18:31:28Z

La eŭropa kongreso de Esperanto 2024 okazos en Strasburgo (Francio) de la 8-a ĝis la 12-a de majo 2024.

ALIĜI

Interasocia kongreso 2023

2023-02-15T21:29:04Z

La Interasocia Kongreso de Esperanto en Francio okazos de la 6-a ĝis la 8-a de majo 2023, en Liono (Lyon).
En la programo estos konferencoj, koncertoj, vizitoj en Liono (piede aŭ bicikle), Esperanto-kursoj kaj ekzamenoj, komitatkunsidoj kaj membro-kunveno de Esperanto-France. Pluraj aperitivoj kaj komunaj manĝoj estos proponitaj.
Vi povos plilongigi vian restadon per “postkongresa” tago en Saint-Étienne la 9-an de majo.

Ĉefa kongresejo

Maison des Italiens
82 Rue du Dauphiné
69003 Lyon

Loĝejo

Ĉambroj en limigitaj kvanto estos haveblaj en la CISL (Centre International de Séjour de Lyon)
103 boulevard des États-Unis
69008 Lyon

Esperanto Lyon zorgas pri la mendoj do se vi deziros tranokti en tiu cento, bonvolu mendi viajn ĉambrojn per la aliĝilo, antaŭ la 25-a de aprilo.

ATENTU ! La ĉambroj kun unu lito kaj necesejo ne plu estas disponeblaj.
Programo

Vi trovos la programon en la ĉi-suba aliĝilo.

Aliĝo

Vi povas aliĝi rete en via [persona paĝo→https://esperanto-france.org/perso/].
Vi povas ankaŭ aliĝi perpoŝte : bonvolu printi ĉi-suban aliĝilon kaj sendi ĝin kun via pago al la indikita adreso.
Presitaj aliĝiloj estos senditaj mez-februare al ĉiuj asocioj.

La kotizo inkluzivas la enir-rajton, la luadon de ĉambroj, ĉiujn kulturajn eventojn (prelegoj, koncertoj, ktp.), ĉiujn kunvenojn kaj ekskursojn.

Bonvolu noti, ke ekde la 1-a de aprilo la prezo plialtiĝos je 10€.

Alklaku la bildeton por elŝuti la aliĝilon.

Mediteranea Esperanto-Semajno 2023

2022-11-10T20:16:24Z

Ĉu ankoraŭ frostas en via regiono ? Tuj venu al la Mediteranea Maro, kie floras mimozoj kaj migdalarboj ! Vin atendas amika familia etoso, belegaj pejzaĝoj, bona ripozo kaj lazura maro...
En la restadejo Val d'Esquière – Les Issambres – Francio (Lazura Marbordo),
de la 25-a de februaro ĝis la 4-a de marto 2023

Por aliĝi bonvolu uzi la ĉi-suban aliĝilon.

Por ĉiu informo aŭ por aliĝi, bonvolu kontakti Monique Prezioso aŭ Christine Graissaguel (detaloj en la aliĝilo).

Kongreso Esperanto-France 2022

2021-12-30T23:16:35Z

En la jaro 2022 la Interasocia Kongreso de Esperanto en Francio okazis en la verda Perigordo, fama pro ĝiaj trufoj, ĝia kuirarto, ĝiaj mil kasteloj kaj la dolĉa vivo, kiun homoj ĝuas ekde la pratempo.

La kongreso okazis de ĵaŭdo la 26-a ĝis dimanĉo la 29-a de majo 2022, en la socikultura centro de Trélissac, 827 strato Eugène-Le Roy (proksime de la preĝejo). Ĉi tiu grandeda konstruaĵo enhavas multajn salonojn, iuj tre grandaj, trataj por kunvenoj de grandaj kaj malgrandaj grupoj.

Multaj programeroj estis planitaj : konferencoj, larborgrupoj, ekskursoj, preparado por ekzamenoj, libroservo, koncertoj, manĝoj, aldone al renkontiĝoj, oficialaj kaj aliaj, de Esperanto-France kaj de aliaj grupoj.

Legu raporton pri la kongreso en la numero 610 de Le Monde de l'Espéranto, pâgo 13].

Detalan programo :

Afiŝo (A4) :

Franca Esperanto-Kongreso 2017

2017-05-25T15:41:00Z

La franca Esperanto-kongreso 2017 okazis de la 25a ĝis 28a de majo 2017 en Pariza regiono.

La kongreso disvolviĝis en la urbo Mandres-les-Roses (departemento Val de Marne), 20 km sud-oriente de Parizo.

Sur-loke troviĝas kongres-salonoj, restoracio, dormo-ĉambroj, sportejoj. Ni dividos la lokon kun kokinoj !

Pli da informoj sur la kongresa retpaĝaro : https://kongreso2017.esperanto-france.org/

Eŭromediteranea Kongreso de Esperanto 2016 - Marsejlo

2016-05-05T07:00:00Z

La eŭromediteranea kongreso de Esperanto 2016 okazis en Marsejlo de la 5a ĝis la 8a de majo 2016.

En tiu kongreso, kiu temas pri Marsejlo, Pordo de Eŭromediteraneo, ni povis partopreni la statutajn kunsidojn de Esperanto-France, kaj aliaj asocioj kiel GEE (Groupement des Enseignants Espérantophones), la Federacio Esperanto-Provence aŭ FKEA (Franca Katolika Esperanta Asocio).

La programo enhavis prelegojn pri Esperanto kaj ĝia movado kaj multaj aliaj temoj rilatantaj al la kongresa temo. Dum la kongreso, iuj trapasis la ekzamenojn de FEI (Franca Esperanto-Instituto).

Ĉiuj informoj troviĝas ĉe la retejo https://kongreso2016.esperanto-france.org

Universala Kongreso 2015 - Lille

2014-08-22T22:00:00Z

La universala kongreso de Esperanto Lille 2015 disvolviĝis de la 25a de julio ĝis la 1-a de aŭgusto 2015 ! La temo estis Lingvoj, artoj kaj valoroj en la dialogo inter kulturoj.

En 1905 okazis la 1a Universala Kongreso de Esperanto en la nordfrancia urbo Boulogne-sur-Mer (Bulonjo-ĉe-Maro).

En 2015 okazis la 100a Universala Kongreso de Esperanto en Lille (Lillo), la nordfrancia ĉefurbo, kun tuta tago en Boulogne-sur-Mer !

La temo estis : Lingvoj, artoj kaj valoroj en la dialogo inter kulturoj.

FESTO 2014

2014-08-15T22:00:00Z

Pont-de-Barret (departemento 26) de la 16-a ĝis la 23-a de aŭgusto 2014

FESTO estas festivalo pri muziko kaj kulturo organizita de francaj junaj esperantistoj (JEFO). Ĝi okazas ĉiujare dum aŭgusto en Okcidenta Eŭropo. Tiu festivalo kunigas homojn el ĉiuj aĝoj kaj landoj ĉirkaŭ komuna amo por muziko, interŝanĝo, kaj revo pri mondo sen limoj.

Franca Esperanto-kongreso 2014 en Chambéry

2014-05-29T12:00:00Z

La franca Esperanto-kongreso okazis de la 29a de majo ĝis la 1a de junio 2014 en Chambéry.

Programo

Jen kelkaj programeroj :

Prelegoj :
Mirejo Grosjean : Esperanto, lingvo de paco
Michele Gazzola : Lingva justeco, lingva politiko kaj Eŭropo
Brian Moon : Vivo kaj utilo de Akademio de Esperanto
Atelieroj : ludoj en Esperanto, babilrondo, origamio, rid-ateliero
Spektaklo de Attila Schimmer, el Aŭstrio
Folk balo
Turismaj vizitoj tra la urbo Chambery
Laŭstatutaj kunsidoj de la partoprenantaj asocioj
kaj pluraj tuttagaj ekskursoj : ĉirkaŭ la lago Bourget, ktp.
Bonvenon en Chambéry !