Espéranto-France

“Tri rakontoj”, de Gustave Flaubert

2025-09-07T13:41:25Z

Tri rakontoj estas traduko en Esperanto de la lasta verko publikigita de Gustave Flaubert, Trois contes. Ĉi tiu dulingva eldono prezentas la originalan francan tekston kaj la esperantan tradukon flank-al-flanke.

Ĉiu el la tri rakontoj disvolviĝas en malsimila etoso, en Normandia kamparo de la 19-a jarcento, en, en Proksim-Orienta antikveco, tiel ebligantaj panoramon de la diversaj tonoj traktitaj de Flaubert en sia verkaro.
La unua rakonto, “Simpla koro” (“Un cœur simple”), okazas en la 19-a-jarcenta normanda kamparo. Ĝin sekvas “La legendo de Sankta Juliano l'hospitalisto” (“La Legendo de Sankta Juliano la hospitalisto”), mezepoka legendo de sanktulo, kiu klare elvokas La Tentadon de Sankta Antonio. Kun “Herodiaso” (“Hérodias”), Flaubert enkondukas la legendon de Salomeo.

Ĉi tiu dulingva eldono prezentas la originalan francan tekston kaj la esperantan tradukon flank-al-flanke, ebligante al la leganto facile kompari la du versiojn de la teksto kaj pli bone kompreni la apartecon de la stilo de Flaubert, laŭdata de multaj kiel unu el la plej elstaraj aŭtoroj en la franclingva beletro.

En sia antaŭparolo, la tradukinto diras tion : “Mia problemo estis redoni la apartaĵojn de la lingvo de Flaubert, la elekto de vortoj, la soneco de frazoj, k.t.p. Flaubert laŭtlegis, laŭtege legis, ĉiujn siajn frazojn en sia tiel nomita “blekejo”, kaj kontentiĝis nur kiam li opiniis ilin belsonaj. Mi provis same fari laŭtlegante miajn, tamen per pli diskreta voĉo ol tiu de Flaubert. Sed bedaŭrinde, mi ne atingis kontentigan rezulton por ĉiuj miaj frazoj. Kaj povas esti, ke mia opinio pri belsonaj frazoj en esperanto ne kongruas kun tiu de multaj aliaj esperantistoj. Mi tamen esperas, ke ili sufiĉe plaĉos al la leganto.”

Legu la unuajn paĝojn : Tri rakontoj / Simpla koro

Le livre est disponible à la boutique d'Espéranto-France.

La libron vendas Espéranto-France en sia retbutiko :
https://butiko-esperanto-france.org/litterature-francaise-en-esperanto/1389-tri-rakontoj-trois-contes.html
kaj ĉe lulu.com : https://www.lulu.com/spotlight/esperanto-france/

La libro estas ankaŭ aĉetebla en la sidejo de la asocio. Vidu la adreson ĉe https://esperanto-france.org/kontaktoj

ISBN 978-2-494261-04-4
180 pages • format A5 (148 x 210 mm)

Publiak prezo en Francio : 15 €

Rabatoj ekde 5 ekzempleroj aĉetita kaj rabatoj por asocioj, libroservoj : vidu niajn kondiĉojn en https://esperanto-france.org/katalogo-butiko

Elŝutu la dokumenton : prezento-tri_rakontoj.pdf

Ĉiuj super-herooj de Lilian Thuram

2024-04-18T10:07:26Z

Ĉeesto de rifuĝinta familio disigas la urbeton de niaj superherooj. Kelkaj asertas ke. Aliaj klarigas ke nepre necesas helpi suferantojn. Kiam du junaj rifuĝintoj unuafoje alvenas en lernejo,
sniaj superherooj povos havi sian propran opinion. Fultbalan maĉon oni organizas por bonvenigi ilin.

Ĉiuj Super-herooj estas luda bildstrio por inviti infanojn kaj plenkreskulojn iĝi batalantoj de egaleco kaj solidareco... Tiun bildstrion magis Lilian Thuram, futbala ĉampiono de mondpokalo en 1998 kaj de la Eŭropa pokalo en 2000,
kunlaborante kun la scenaristo Jean-Christophe Camus kaj la desegnisto Benjamin Chaud.

Nova ! La libro de la mil kaj unu noktoj

2024-04-15T13:08:59Z

La libro de la mil kaj unu noktoj estas ĉefverko de la monda literaturo. Tio estas ampleksa kolekto de rakontoj, kiuj venis al ni tra la jarcentoj. Entute 1600 pâgoj en 3 volumoj, ilustritaj per 430 desegnoj.

La Libro de la Mil kaj Unu Noktoj estas ampleksa kolekto de rakontoj, kiuj venis al ni tra la jarcentoj.

Danke al Antoine Galland, kiu tradukis kolekton de ĉi tiuj rakontoj en la francan komence de la 18-a jarcento kaj, tri jarcentojn poste, al Daniel Moirand, kiu esperantigis ilin, ankaŭ vi povos sperti tiujn mirindajn rakontojn, tiujn fabelojn kaj fablojn, tiujn rakontojn ene de rakontoj, kiuj transportos vin al diversaj orientaj landoj en diversaj epokoj, kiel ĉiunokte faris Ŝeherazad por veki la scivolemon de la sultano kaj eskapi sian fatalan sorton.

Legu kelkajn paĝojn : La mil kaj unu noktoj (el la volumo 1)

La libro estis publikigita la 8-an de majo 2024.

Vi povas aĉeti la libron en la butiko de Espéranto-France :
https://butiko-esperanto-france.org/romans-nouvelles-recits-traductions/1324-la-libro-de-la-mil-kaj-unu-noktoj-3-volumes.html
aŭ ĉe lulu : https://www.lulu.com/spotlight/esperanto-france

Volumo 1 : 538 paĝoj. ISBN 978-2-9578961-5-8
Volumo 2 : 536 paĝoj. ISBN 978-2-9578961-6-5
Volumo 3 : 538 paĝoj. ISBN 978-2-9578961-7-2
Formato A5 (148 x 210 mm)

Publika prezo en Francio :
29 € por ĉiu volumo
5 % da rabato por la tri volumoj aĉetitaj samtempe (en la reta butiko de Espéranto-France)

Dokumento por prezenti la libron : prezento-libro-mil-kaj-unu-noktoj.pdf

Elementaj principoj de milita propagando, de Anne Morelli

2024-02-25T10:57:44Z

Ĉu ekzistas iu maniero igi nin aprobi militon, pri kiu ni unue ne interesiĝas aŭ kiun ni malaprobas ?

En dek ĉapitroj kaj per multaj ekzemploj la aŭtoro montras kiel la propagando inundas la amaskomunikilojn dum ĉiu milito por akceptigi ĝin de ni. Jam tradukida en ses lingvoj kaj multfoje ĝisdatigita, tiu libro estas vera fonto por malkodi la propagandon, kiu ĉirkaŭas nin.

Verkis la libron en la franca Anne Morelli, historiisto kaj profesoro en la Libera Universitto de Bruselo (ULB), kie ŝi ĉefe instruas pri “Historia Kritiko aplikata al modernaj amaskomunikiloj” al miloj da studentoj. La libro estis plurfoje ĝidatigita kaj tradukita en ses lingvoj. Esperantigis ĝin Claude Thumerelle.
Kun la franca kaj Esperanto, la libro nun estas disponebla en ok lingvoj.

La dek principoj de milita propagando prezentitaj en ĉi tiu verko montras, ke tio estas ebla kaj aplikata, regule kaj efike, de propagandagentejoj de ĉiuj flankoj, profesiigitaj kaj nomataj “komunikaj servoj”, sen escepto por la plej lastatempaj militoj de la 21-a jarcento.

En dek ĉapitroj, la aŭtoro klarigas tiujn dek principojn kaj ilustras per multaj ekzempkoj, kiel ili estis kaj plu estas aplikataj :

Ni ne deziras militon ;
Nur la alia flanko respondecas pri la milito ;
La malamiko havas la vizaĝon de la diablo (aŭ “La terura deĵoranto”) ;
Noblan kaŭzon ni defendas kaj ne proprajn interesojn ;
La malamiko konscie provokas kruelaĵojn, kiam ni faras misagojn, estas nevole ;
La malamiko uzas malpermesitajn armilojn ;
Ni suferas malmulte da pereoj, tiuj de la malamiko estas egaj ;
La artistoj kaj intelektuloj subtenas nian kaŭzon ;
Nia kaŭzo havas sanktan karakteron ;
Tiuj kiuj esprimas dubon pri la propagando estas perfiduloj.

Leginte tiu ĉi libron, vi ne plu ricevos la informojn senditajn de la amaskomunikiloj en la sama maniero.

La libro estas aĉetebla en la butiko de Esperanto-France : https://butiko-esperanto-france.org/histoire-politique/1311-elementaj-principoj-de-milita-propagando.html aŭ ĉe https://www.lulu.com/spotlight/esperanto-france

Vi povas legi la unuajn paĝojn de la libro ;

ISBN 978-2-4942610-0-6
130 paĝoj, A5-formato (148 x 210 mm)
publika prezo : 12€
Specialaj rabatoj por asocioj kaj libroservoj (vidu informojn en https://esperanto-france.org/katalogo-butiko aŭ kontaktu nin por pli detala informo)

Franca antologio

2023-11-09T12:03:00Z

La Franca Antologio, kunigas en 6 volumoj dekojn da verkoj de franca literaturo, de la 16-a ĝis la 20-a jarcentoj.

VOLUMO 1 (16-a kaj 17-a jarcentoj)

BONAVENTURE DES PÉRIERS - Novaj distraĵoj kaj Amuzaj Ekdiraĵoj (Les nouvelles récréations et joyeux devis)
GUILLERAGUES - Portugalaj leteroj (Lettres portugaises)
MOLIÈRE - Nobela burĝo (Le bourgeois gentilhomme) & Kleraj virinoj (Les femmes savantes)
RACINE - Andromaka (Andromaque) & Fedra (Phèdre)
LA FONTAINE - Fabloj (Fables)

VOLUMO 2 (18-a jarcento)

MONTESQUIEU - Persaj leteroj (Lettres persanes)
J. J. ROUSSEAU - Revadoj de la soleca promenanto (Les rêveries du promeneur solitaire)
BEAUMARCHAIS - Barbiro de Sevilla (Le barbier de Séville) kaj Edziĝo de Figaro (Le mariage de Figaro)
FLORIAN - Verkoj (Œuvres)

VOLUMO 3 (19-a kaj 20-a jarcentoj)

VICTOR HUGO - Hernani kaj Angelo, tirano de Padovo (Angelo, le tiran de Padoue)
JULES RENARD - La plezuro disiĝi kaj La geedza pano (Le Plaisir de rompre et Le Pain de ménage)
JULES ROMAINS - Knock
COURTELINE - Komedioj (Comédies)
JEAN GIRAUDOUX - La Troja Milito ne okazos (La guerre de Troie n'aura pas lieu)
JEAN COCTEAU - La Homa Voĉo (La Voix humaine)

VOLUMO 4 (19-a jarcento)

PROPER MÉRIMÉE - Lokis
THÉOPHILE GAUTIER - Omfala (Omphale)
GUSTAVE FLAUBERT - Simpla koro (Un cœur simple), Herodiasa (Hérodias) & La legendo de Sankta Juliano Helpena (La légende de saint Julien l'Hospitalier)
VILLIERS DE L'ADAM - Diversaj
ALPHONSE DAUDET - La leteroj de mia muelejo (Les lettres de mon moulin)

VOLUMO 5 (20-a jarcento)

MAURICE LEBLANC - Arsène Lupin
MARCEL PROUST - Pri la legado (Sur la lecture)
JULES SUPERVIELLE - La infano el la alta maro (L'enfant de la haute mer)
ANDRÉ MAUROIS - Noveloj (Nouvelles)
JEAN GIONO - Reĝo sen distriĝo (Un roi sans divertissement)
FRANÇOISE MALLET-JORIS - Kordelja (Cordélia)

VOLUMO 6 (19-a kaj 20-a jarcentoj)

JULES VERNE - La verda radio (Le rayon vert) kaj Esplorvojaĵo
BIBLIOGRAFIO DE JAM TRADUKITAJ FRANCLINGVAJ LITERATURAJ TEKSTOJ

Nova eldono de Metodo 11

2023-11-09T11:51:52Z

Espéranto-France eldonas la lernolibron Metodo 11, kiu ebligas akiri bonan bazan scion de Esperanto en 11 lekcionoj.
La nova eldono aperis en 2020. Tiu eldono estis kontrolita de la Sekcio pri Kontrolado de Lerniloj de la Akademio de Esperanto.
Kompare kun la antaŭaj eldonoj, la libro estis denove komplete kontrolita, pli bone eldonita, en pli granda formato (17 x 24 cm), kun pli bona enpaĝigado, pli bonkvalita papero kaj pli solida kudrita bindaĵo.

Tiu ĉi lernolibro, bazita sur la Zagreba pedagogio de Zlatko Tišljar, estis verkita de Renée Triolle kaj Edmond Ludwig. Ni jam vendis grandan kvanton da ekzempleroj kaj multaj homoj, kiuj parolas Esperanton hodiaŭ en Francio, lernis la lingvon dank' al tiu metodo.

La nouvelle édition de la méthode a plusieurs particularités. Un soin tout particulier a été apporté pour éliminer les coquilles de la précédente édition. Les textes ont été revus et enrichis par du vocabulaire actuel sur les nouvelles technologies.
Les textes ont été enregistrés par plusieurs acteurs dans un studio professionnel. Les illustrations ont été élaborées par Robin Guinin (qui s'est occupé ces dernières années d'illustrer les calendriers d'Espéranto-France). Un site internet complète l'ouvrage papier en proposant les enregistrements en libre téléchargement, un guide pour les enseignants et un corrigé-type pour ceux qui étudient de manière autonomie.

En tiu ĉi nova eldono de la metodo, ni aparte zorgis forigi erarojn de la antaŭa eldono. La tekstoj estas reviziitaj kaj riĉigitaj per aktuala vortprovizo, ekzemple pri novaj teknologioj.
La tekstoj estis registritaj de pluraj aktoroj en profesia studio.
La ilustraĵojn desegnis Robin Guinin, kiu, de multaj jaroj, ilustras ankaŭ la kalendaretojn de Espéranto-France.

La retejo https://metodo11.esperanto-france.org proponas aldonan materialon senpage elŝuteblan : sonregistraĵon, gvidilon por instruistoj kaj respond-ŝlosilon por tiuj, kiuj studas memstare.

Les enregistrements sonores et le premier chapitre du livre sont téléchargeables gratuitement sur metodo11.esperanto-france.org

La sonregistraĵoj kaj la unua ĉapitro de la libro estas senpage elŝuteblaj en la paĝo metodo11.esperanto-france.org

La libro estas mendebla en la butiko de Espéranto-France : https://butiko-esperanto-france.org/

Normala prezo : 9 €
Prezo kun rabato : 6 € (ekde 10 menditaj ekzempleroj)

L'espéranto par la méthode directe, de Stano Marček

2023-10-20T22:13:49Z

L'espéranto par la méthode directe, de Stano Marček, ilustrita de Linda Marčeková, estas lernolibro por komencantoj, kiu precipe celas junulojn kaj infanojn. Ĵus aperis nova eldono, tute reviziita kaj korektita, kaj nun eldonita de Espéranto-France.

Ĉi manlibro, verkita de Stano Marček kaj ilustrita de Linda Marčeková, jam estis publikigita en 40 lingvoj krom la franca.
La franca versio – elĉerpita komence de la jaro 2023 – estas nun denove havebla. Tiu ĉi nova eldono, eldonita de Esperanto-France en julio 2023, estis okazo por korekti kaj plibonigi la libron, kunlabore kun la aŭtoro.

Ofte uzata en grupoj kun instruisto, ĉi manlibro prezentas ĉiujn nociojn, kiuj helpas al komencantoj rapide paroli la lingvon. Ĉiuj nocioj estas ilustritaj kaj enkondukitaj per ekzemploj, por faciligi komprenon kaj parkerigon, kaj alkutimigi lernantojn pensi rekte en Esperanto. Klarigoj en la franca kompletigas la prezenton de novaj nocioj.

La libro enhavas 22 ĉapitrojn, kun tekstoj, ilustritaj ekzemploj, klarigoj en la franca kaj ekzercoj. Fine de la libro, lernantoj trovos dulingvajn vortlistojn kaj liston de utilal retaj ligiloj.

Vi povas aĉeti la libron en la reta butiko de Espéranto-France.
Specialiaj kondiĉoj estas proponitaj al asocioj al libroservoj. Bonvolu kontakti nin por pliaj informoj.

Inès en Okcitanio, de Laure Patas d'Illiers

2023-10-20T21:58:39Z

Inès alvenas al Okcitanio, regiono sude de Francio, por studi. La junulino ŝatas la tiean vivon, sed misteraj eventoj okazas.
Ĉu ŝi travivos tragedion ? Ĉu ŝi estos elpelita el Francio ? Ĉu morto minacos ŝin ? Ĉu amo kapablos protekti ŝin kontraŭ ĉiuj danĝeroj ? Ĉi romaneto malkaŝos la destinon de Inès kaj helpos vin plibonigi vian komprenon de Esperanto. Legu, ĝuu !

Tiu ĉi romaneto, ilustrita per desegnaĵoj de la aŭtoro, celas precipe progresantojn. Ĝi estas disponebla kiel presita libro (74 paĝoj en formato A5) kaj kiel bitlibro (EPUB).

La libron vi povos mendi en la reta butiko de Esperanto-France aŭ rekte ĉe lulu.com
La elektronika versio disponeblas nur ĉe
lulu.com

Specialaj kondiĉoj por grandaj mendoj, por asocioj kaj libroservoj : vidu en https://esperanto-france.org/katalogo-butiko

Reĝo Ubuo, de Alfred Jarry

2023-06-25T14:09:26Z

Reĝo Ubuo estas traduko en Esperanto de la plej fama verko de Alfred Jarry, Ubu Roi, kiu estas stranga reverkaĵo de la ŝekspira MacBeth, kies ĉefpersono estas malkuraĝa avara stultulaĉo, incitita de sia edzino Panjo Ubuo. Li iĝas reĝo de Pollando, kiu, tiuepoke ne ekzistis kiel ŝtato (“la afero okazas en Pollando, tio estas nenie”, asertas la originala antaŭparolo).

Alfred Jarry (Alfred' Ĵari') estas franca verkisto de la fino de la 19-a jarcento, kiu estas iel antaŭvenanto de la superrealistoj. Per uzo de absurdaj roloj kaj situacioj li karikature substrekis la absurdaĵon de veraj homoj.

Lia plej fama verko estas la teatraĵo Ubu Roi, Reĝo Ubuo, iu stranga reverkaĵo de la ŝekspira MacBeth, kies ĉefpersono estas malkuraĝa avara stultulaĉo, incitita de sia edzino Panjo Ubuo. Li iĝas reĝo de Pollando, kiu, tiuepoke ne ekzistis kiel ŝtato (“la afero okazas en Pollando, tio estas nenie”, asertas la originala antaŭparolo) .

La teatraĵo, kiun li verkis 18 jaraĝe, skandalis. Sed nun la repertuaro de la plej oficiala franca teatro, Comédie Française, enhavas ĝin, kaj en franclingvaj vortaroj troviĝas la adjektivo “ubuesque”. Ĝi pli malpli signifas : groteske despotema, aŭ tirane absurda. Ĉu indas krei novajn adjektivojn en Esperanto : ubua, ubuema, ubueska ? Vi decidos post legado.

Legu la unuan scenon de la teatraĵo :

La libro (papera aŭ elektronika) estas mendebla ankaŭ ĉe https://www.lulu.com/spotlight/esperanto-france

Sur bluaj planedoj de Laure Patas d'Illiers

2021-12-30T23:36:58Z

Kio kaŝiĝas en asteroido enfosiĝinta en glacian grundon ? Kial Mila malaperis el la reto ? Kiam surteriĝos la nevola kosmoŝipisto ? Kia amuzparko kreiĝos sur Proteo ? Kiel gepatroj el la 22-a jarcento silentigas sian bebon ? Kies homkorpo vendiĝas en disaj partoj ? Kiom da jarcentoj amo kapablas trairi ? Kie pluvivi dum klimataj tutteraj katastrofoj ? Kiu murdis Karlo Darvino ? Ĉu artefarita intelekto solvas niajn problemojn aŭ venigas novajn minacojn ?
22 rakontoj, sendependaj, ofte humuraj. Pluraj mallongas kaj rapide legeblas. Ĉi tiu libro tutsimple celas plezurigi vin. Legu, ĝuu !

Laure Patas d'Illiers vivas en Parizo, Francio. Kiel komputada inĝeniero ŝi helpas disvastigi la uzon de liberaj programoj en la francaj publikaj administracioj. Ŝi estas konsiliano de la franca branĉo de Eŭropo Demokratio Esperanto. Ŝiaj tekstoj aperis en pluraj gazetoj. Ŝi plurfoje estis premiita de la Belartaj konkursoj de UEA.

Eblas mendi la libron rekte ĉe lulu.com, kiel libro presita laŭ mendo kaj kiel elektronika libro.
La presita libro haveblas en klasika formato kaj en li granda formato kun grandaj literoj.

Se vi volas aĉeti aliajn librojn samtempe vi povas mendi ĝin ankaŭ en la retbutiko de Espéranto-France : https://butiko-esperanto-france.org/26-litterature-originale-en-esperanto